Embodiment е пристап кој делува на телесно, емоционално и спиритуално ниво. Кога ќе ја отелотвориме својата внатрешна вистина, тогаш можеме да бидеме вистинско водство за нашето дете, во спротивно делуваме од програмите на нашето детство. Со подлабоко разбирање како функционира свеста и како вистински се задоволуваат нашите внатрешни потреби, можеме да постигнеме длабоко исцелување на себе, своите односи и да им помогнеме и на нашите сакани да останат во својата целовитост.

Денешното родителство и препораките кои најчесто ги слушаме се базираат на тоа како да “направиме“ нешто за своите деца, но колку и да правиме постојано во нас постои нешто кое што недостасува, а не знаеме да одредиме што е тоа, истото го гледаме и во нив. Прашањето е: “Што е тоа што навистина недостасува и како можеме да го пронајдеме?“

Оваа програма ќе ти помогне да дојдеш до доста важни увиди, да погледнеш во длабочината на односите и да ја пронајдеш кариката која недостасува.