Енеаграм е систем за типологија на личноста, која ни помага длабоко да го разбереме својот внатрешен свет, своите верувања, мотивации, стравови, како се справуваме со предизвиците и стресот, нашите стилови на интеракција со околината и нашите неосвестени потенцијали, како и нашиот уникатен спиритуален квалитет или блупринт.

Прочувањето на Енеаграмот ни овозможува длабоко разбирање на себе, нашите односи, конфликтите во односите и нашите незадоволени потреби, перцепцијата на реалноста и ни дава клучеви за излез од познатиот начин на егзистирање, преку разбирање на тоа како се манифестира реалноста . Со запознавање на нашите коренски верувања во зависност од типот на нашата личност, можеме да сфатиме зошто многу обиди за промена не функционираат и не ни носат внатрешно чувство на исполнетост. 

Енеаграмот ни покажува каде сме ја изгубиле најзначајната конекција, конекцијата со себе и своето срце, како и со што сме ја замениле и на кој начин реагираме на животот условено. Ги покажува 9-те наши илузии и 9-те лица на нашиот најдлабок потенцијал. Исто така ни помага да го пронајдеме клучот за повторно поврзување со себе и ослободување од коренските стравови и модот за преживување.

На овој семинар покрај тоа што ќе го проучите својот Енеа тип, ќе научите и нешто многу значајно, како да го направите следниот чекор за ослободување од своите ограничувања со примена на Embodiment (метода за интегрирање на емоциите и зголемување на свесноста ).