Embodiment значи отелотвореност на нашата есенцијална суштина,чија непрепознатост во нашата свест е главната причина за ментална и емоционална заглавеност, како и недоволно разбирање за нашите обрасци кои се  повторуваат.

Есенцијалната димензија е многу подлабока од психологијата(мислите и емоциите) со кои сме научени да се идентификуваме.Во неа постојат многу можности за исцелување, ослободување од енергијата на минатото, себереализација, манифестација на доброто во нас, за кои најчесто воопшто не сме ни свесни.

Нашата душа по природа сака да се шири и да се препознава на различни нивоа, но поради минатите искуства, делови од нас се во контракција. Едноставно се заробени во она што го нарекуваме “персона“.

Овој пристап се разликува од другите, бидејќи вниманието е на ослободувањето на енергијата на потенцијал во нас и отварањето кон нејзината спонтаност, наместо  промена, сето тоа отвара можности и спонтано движење на нашето животно искуство во склад со нашата автентичност.Тоа ни дава можност да  бидеме во светот, но да не му припаѓаме енергетски.