Woman-centered Coaching е пристап којшто продира длабоко во корените на пречките и блокадите што жените ги имаат, како во креирање така и во остварување на своите желби, цели и визија. Се работи на ниво на промена на личниот концепт за себе и пробивање низ трите главни бариери што жените ги имаат (доживување на себе, на другите и на околината/животот). Ќе работиме и на внатрешните персони, на техники на говор со себе, креирање стратегии и рутини, планирање на енергијата и времето, како и поврзување со внатрешната мудрост за креирање подобар однос и проточност (FLOW) со себе, со другите и со вселената. 

Embodiment е телесен пристап кој може да ви помогне да создадете движење (FLOW) во себе и односите со околината. Во нас постои интелегенција која точно може да ни каже кој е нашиот следен чекор, што навистина сакаме, како да водиме, кога да превземеме акција. Овој пристап делува на создавање на кохеренција помеѓу умот и срцето, а со тоа и промена на старата перцепција која е поврзана со минатото и трауматичните искуства во сосема нова димензија на доживување на себе и светот. Со помош на методи за самоводство, учиме како да се стабилизираме внатрешно, да го исклучиме модот за преживување на нашиот нервен систем, да се ослободиме од притисокот на времето и да влеземе во состојба на креативност, СЕГА И ОВДЕ за да допреме до својот неосвестен потенцијал.

New Code NLP е најновата методологија развиена од John Grinder, таткото на NLP (Невро Лингвистичко Програмирање), со која за прв пат ќе имате можност да се сретнете во Македонија. Овој пристап има повеќекратна намена во различни области од животот (здравје, бизнис, образование, родителство, опоравување од траума, спорт), каде посакуваме да креираме значително подобрување во однос на можностите и изборите кои ги имаме, перформансите, како и чувството на усогласеност со самите себе. Техниките на New Code NLP се првенствено наменети за само-апликација и само-помош. Со единствена намера да ни помогнат да развиеме состојба (FLOW) која ни овозможува да генерираме нови избори, токму во оние контексти каде што чувствуваме дека немаме задоволителен избор.