Embodiment е отелотворување на нашата вистинска природа која создава внатрешно чувство на живост,приземјеност, длабока интуитивност и отвореност.

Најчесто она кое го знаеме  за себе се идеите и искуствата од минатото, себеси се доживуваме преку старите емоции и верувања, а сето тоа допринесува до појава на несигурност, анксиозност, неможност да се поврземе и длабоко чувство дека нешто во нас недостасува без разлика што и да направиме. Она кое што недостасува е најважниот елемент,  тоа е нашата ЕСЕНЦИЈА, суштината, која  е  единствениот генератор на било каква вистинска промена во нашето искуство.  

Со помош на Embodiment се  поврзуваме со различни квалитети во нас кои што  служат како наша поддршка во исцелувањето на нашето емоционално тело, смирување на умот, ослободување од огрнаичувањата од нашето минато и најважно од се отварање кон нашиот неосвестен потенцијал во ова искуство.Оваа метода ни  помага да се искусиме себеси и животот подлабоко од модот за преживување во кои најчесто живее скоро секој човек на планетава.

Вниманието е насочено на двата поларитета во нас, машкиот и женскиот аспект преку кои се поврзуваме со нашето автентично јас кое е засенето од нашите програмирања.

Embodiment не поврзува со материјалниот аспект преку конекцијата со квалитетите кои се вистинската поддршка на нашето тело, која ни дава сигурност да бидеме независни и слободни во своето постоење и манифестирање, како и спиритуалниот аспект кој е нашето внатрешно водство и интуиција за делување во овој свет.

Постои начин на постоење кој  што е различен од она кое што сме научени, се може да биде полесно, поинтуитивно и поотворено. Сето тоа создава длабоко исцелување и трансформација на нашето искуство, врските и рецептивноста на животното изобилство.

Што ако би си дозволиле да  ја истражиме својата неверојатна УБАВИНА?